Peqqissaasut nunanit allaneersut pikkorlunnerupput
Nuanavumi peqqissaasutut atorfinitsitat nunanit allaneersut, canadamiut peqqissaasunngorniat misilitsissutigisartagaannik, misilitsikkamik affaat sinnerlugit siorna angusinngitsoorsimasut, CBC news allappoq.
Peqqissaasut siorna Nunavumi atorfinitsinneqartut 16-iupput, taakkunanngalu qulingiluat misilitsinnermi angusinngitsoorput. Atorfinitsinneqaralurtut angusingitsoornerat tunngavigalugu sulijunnaarallartinneqarput, februaarimilu misilitseqqinnissaminnut piareersarnissamut periarfissinneqarput.
Nunavummi peqqinnissaqarfimmi oqaaseqartinneqartartoq Nancy Campbell oqarpoq, peqqissaasut nuanit allaneersut atorfinitsinneqarsimasut misilittagaat, tuluttullu piginnaasaat, toqqammavigineqarsimasut, angusinngitsoorsimanerannullu suna peqqutaanersoq ilisimannginnerarpaa.
Canadami peqqissaasut kattuffianni siulittaasoq Dr. Deborah Tamlin oqarpoq, peqqissaasut nunanit allaninngaanneersut angusinngitsoortarnerat nalinginnaasoq.
