Peqqissaasut: Akissarsiat isumaqatigiinniutaanerat uninngavoq
Peqqissaasut isumaqatigiinniartartui maannakkut sapaatip akunnerini pingasungajanni isumaqatigiinniaqatigineqartut pisortatigut oqaatigineqaraluartoq, peqqissaasut siuttuata, Karin Hollerip isumaqatigiinniarnerit suli aallartinneqannginnerarpai.
- Karin Holler peqqissaasut nittartagaanni allappoq, Namminersornerullutik Oqartussat qanoq iliorniarnersut nalullugu. Isumaqatigiinnialeraluaratta Naalakkersuisut isumaqatigiinniartitaat aalajangiisinnaassuseqanngillat, aamma peqqinnissaqarfimmi sulisut kattuffiini arfineq marlunni ilaasortat aningaasarsiaat pillugit siunnersuutinik maanna suli takusaqanngilavut.
Karin Hollerip allagai naapertorlugit, peqqissaasut sinnerlugit isumaqatigiinniartut siunnersuuteqareersimapput, atorfillit ukioq ataaseq atorfeqareersimasut taperneqartalernissaannik, tanammalu siunnersuut Namminersornerullutik Oqartussanit itigartinneqareersimavoq.
Karin Holler, isumaqatigiinniarnerit imaluunniit isumaqatigiinniartoqannginnera pillugu apersorneqarusunngitsoq, oqarpoq, taartaasartut namminersortuneersut atortarunnaarnissaat Namminersornerullutik Oqartussat isumaqatiginngikkaat.
Namminersornerullutik Oqartussat isumaqatigiinniartitaasa ittuat, Palle Frederiksen, isumaqatigiinniarnerit pillugit oqaaseqarusunngilaq.