Peqqissaasunik nakorsanillu nunarput kisimi amigaateqanngilaq
Jyllandip Avannaa sulisussarsiortarfimmik isumaqatigiissuteqarsimavoq. Jyllandillu Kujataamiut siullersaallutik ilisimasanik katersivimmik pilersitsipput. Tamatumani peqqissaasunik 200-nik nakorsanillu 100-nik Østrigimit Tysklandimillu atorfinitsitsinissaq siunertarineqarpoq, misilittagarineqalersullu aamma periaatsit ilisimasanik katersivimmi katersaatigineqassapput.
- Napparsimmaviit arlalissuit pitsaasunik misilittagaqalereerput, ilisimasanillu katersiveqarnikkut misilittagarineqalersut atorluarsinnaavavut, Carl Holst nunap immikkoortuani siunnersuisoqatigiinni siulittaasuusoq oqarpoq.
Jyllandip Kujataani ilisimasanik katersiveqalernikkut, peqqinnissamik suliaqartut nunani allamiut sooq Danmarkimut nuukkusuttarnersut aamma sooq Danmarkimiiginnarusuttarnersut paaserusunneqarpoq.
