Peqqissaanermik Ilinniarfik naalakkersuisoqarfimmut allamut nuuppoq

Ilinniagaqarfiit tamarmik Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoqarfiup – KIIIN-ip ataani ataatsimoortinneqarnissaat anguniarlugu Peqqissaanermik Ilinniarfik Ilaqutariinnermut Peqqissutsimullu Naalakkersuisoqarfimmit nuuppoq.
novembarip 14-at 2008 14:05

Ilimmarfik pillugu inatsisip allanngortinneqarnerata kingorna Peqqissaanermik Ilinniarfimmi suliassaqarfiit Ilimmarfimmut nuunneqarput,

Peqqissaanermut Ilinniarfik Jagtvejimiittoq tunngaviusumik peqqissaanermik peqqissaasunngorniarlunilu ilinniarfittut ingerlaannassaaq.

Naalakkersuisut siulittaasuata Hans Enoksenip aalajangerneratigut suliassaqarfiit sinneri allanngortinneqarnerat ingerlanneqarpoq.

Siunissami peqqissaanermik ilinniartitaanerit Ilaqutariinnermut Peqqissutsimullu Naalakkersuisoqarfiup – IPN-p ataaniikkunnaassapput.

Pikkorissartitsinermut – ilinniaqqinnissamullu immikkoortortaqarfik Peqqissutsimut Aqutsisoqarfimmut nuunneqassapput.

Ilinniarfiup aningaasaqarnera ingerlanneqarneralu Tunngaviusumik ilinniarfiup akisussaaffigilerpai. Ilinniartitaanerit pikkorissaanerillu allat atortorissaarutaannik sullissinernilu tamani atuineq ingerlaannassaaq.