Peqqinnissaqarfiup iluani allannguutissatut siunnersuut apeqquserpaa

Allanngorterinissamut siunnersuut apeqquserpaat

Peqqinnissaqarfiup aaqqissuussaanerata allanngortinneqarnissaanik siunnersuummut nassuiaat, Peqqissutsimut Naalakkersuisup Agathe Fontainip Inatsisartuni ullumi saqqummiuppaa. peqqinnissaqarfimmik allanngortiterinissaq avaqqunneqarsinnaanngitsoq, Inatsisartuni partiit arlaqartut isumaqarput. Taamaattorli saqqummiunneqartumut Inatsisartut arlalinnik aamma apeqqusiipput. Siumut sinnerlugu oqaaseqartoq Jens Lars Fleischer ima naliliivoq:

- Assersuutigalugu Telemedicinip atorneqaleruni sunniutigiumaagai qanorlu ilismaneqartiginersoq, erseqqissumik paasisaqarfigissallugu pingaaruteqartorujussuuvoq.

Uummannap nakorsaarunnissaa ssersuuteqarfigaa.

- Uummannami nakorsaaruppoq, niviarsiaq kisimi saaffissanngorluni, napparsimasoqalerpoq piaarnerpaamik suliarineqartariaqartumik, niviarsiarlu tamaattumik suliaqarsinnaanani- piffissaq ingerlapllattussaavoq- nakorsarlu immaqa Ilulisaaniilluni. Ajuuissappat, tooqutaasinnaasumik napparsimappat, taava qanoq iliortoqassava? Akisussaaffik sumiissava? Apeqquterpassuit saqqummerartussaapput. Iluarsartuussinissaq innuttaasunut kiffartuussinerup pitsaanerulernissaanik siunertaqartariaqarmat, apeqqutit tamakku saqqummiussorpavut.

Assersuutigaattaaq angallannermi aaqqissuusseqqinnermi kukkussutigineqarsimasut aaqqinneqarsinnaanerat, kisiannili peqqinnissaqarfiup aaqqissuuteqqinneqarnerata inuup inuuneranik kinguneqarsinnaanera, uggornartorujussuusinnaammat, tamanna Siumumit perusunngittorjussuugitsik Jens Lars Fleischer erseqqissaateqarpoq.

Siumumit ilanngullugu piumasaqaatigineqarpoq Peqqinnissaqarfimmi atorfinitsitsisarnermi periutsit nutarterneqarnisaat sulissutigeqqullugu, soorlu nakorsanik niviarsianillu sulisoqarnermi danskisut oqaluttussaatitaaneq aalajangiisuujunnaassasoq, nunanit allaneersut Nunatsinni sulerusukkaluartut tuluttullu oqalussinnaasut periarfissqalerniassammata.