Sulinermik unitsitsigallarneq: Peqqinnissaqarfiup Aqutsisoqarfia piareersaateqartoq

Dronning Ingridip Napparsimmavissuani portørit suliartik aqagu tallimanngornermi akunnerni sisamani, tassa ulloqeqqaniit ualikkut nalunaaqutaq sisamat tungaanut unitsinniarpaat, Nuummilu innuttaasunut tamanna assigiinngitsunik kinguneqassaaq. Peqqinnissaqarfiup Aqutsisoqarfia taama ilisimatitsivoq.

Timmisartoqarfiup napparsimmaviullu akornanni angallassinerit assigiinngitsut uninngassapput, soorlu aamma napparsimasut angerlarsimaffiisa Dronning Ingridiullu Napparsimmavissuata akornanni angallassinerit eqqorneqassasut.

Napparsimasut napparsimmavissuarmit mittarfimmut angallanneqartussaagaluit taxakortinik tunineqassapput, angalanneqartussallu allat peqatigalugit sapinngisamik angallanneqartarnissaat sulissutigineqarluni.

AAMMA ATUARUK Portørit tallimanngorpat sulinerminnik unitsitsigallarniartut

Nuummi mittarfimmut tikinnerup nalaani portørit aqutsisui mittarfimmi najuutissapput, taxakortinik tassani tunniussisoqartassalluni, soorlu aamma Dronning Ingridip Napparsimmavissuanneqartussat ataatsimut angallanneqartarnissaat anguniarneqartoq.

Upalungaarsimaniarnermi nalinginnaasumik ingerlasut tassaapput:

Ikiuiartorasuarnerit, napparsimasut akiartaatiniittut napparsimmaviliaanneqartussat, soorlu inuunermut navianartorsiortut ikiorneqarnissaat eqqorneqarnavianngitsoq. Peqqinnissaqarfiup Aqutsisoqarfia taama ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat