Peqqinnissaqarfiup aningaasat pisariaqartitani pissarsiarisussanngorpai

Peqqinnisamut naalakkersuisoqarfimmit 9,8 millioner koruunit nammineq nassaarineqartussanngorput.

Inatsisartut Peqqinnissamut ataatsimiititaliaani siulittaasup Vittus Mikaelsenip ilimagaa, peqqinnissaqarfimmut aningaasaliissutaasartut ukiuni tulliuttuni qaffanneqartariaqassasut.

- Aningaasaliissutaasut pingaartumik peqqissaasunut atorneqartussaassapput, taavalu nakorsanut avataaninngaanniit sulisunut tigummiinnarnissaannut atorneqassallutik.

Soormitaavaana peqqinnissaqarfik aningaasanik amikkittaaqattaartoq?

- Maannakkut atorneqartussat tassaapput naliginnaasumik taartaasunut atorneqarput. Taartasartut peqatigiiffitsik aqqutigalugu Europami assut piumaneqaqaat, taamaattumik aatsaat utaqqeqqaarta taartaasussanik pissarsisarpugut. Taartaasartullu peqatigiiffiat alla akisuneq, marloriaatingajammik akilerlugu tikisitsisartoq pissutaalluni peqqinnissaqarfimmut aningaasartuutit qaffariarput, tassa ukiuminngaanniit ukiumut aningaasartuutit qaffariaataat tassaniippoq.

Aningaasat 2004-mi taartaasartunut atorneqartut 14 mio. koruuniupput, ukiormannalu aningaasat atorneqartut 60 mio. koruuniullutik, Inatssiartut peqqinnissamut ataatsimiititaliaani siulittaasoq Vittus Mikaelsen taama oqarpoq.