Peqqinnissaqarfimmi sulisut atugaat akissarsiaallu ajunnginnerulerlik
Peqqinnissamik suliaqartut immikkut ilinniarsimasut sinerissami ikittunik inoqarfiusuni sulilersinnissaat ajornakusoortuuvoq. Peqqinnissamik suliaqartut immikkut ilinniarsimasut sinerissami tamarmi qanoq atorluarneqarsinnaanersut peqqinnssaqarfimmi aqutsisut ullumi ataatsimiinneranni oqallisigivaat.
Sulisut sulisoriinnarneqarnissaat sulisullu ilinniarteqqillugit qaffasinnerusuni atorfinitsinnissaat pingaarnertut oqaluuserivaat. Sulisut sulisoriinnarneqarnissaannut akissarsiat atorfininnermilu atugassarititaasut pingaaruteqassusiat ataatsimiinnermi eqqartorneqarput. Aasianni napparsimmavik assersuutitut eqqaaneqarpoq, Aasianni napparsimavimmi sulisunut atugassarititaasut ajunnginnerat saqqummiunneqarpoq. Suliffimmi atugassarititaasut ajunnginnerunissaat aqutsisut suliassaraat aammalu kajuminnarnerunissaat, peqqinissaqarfiup aqutsisui ullumi ataatsimiikkamik taanna sammivaat. Ataatsimiinnerit ataasinngornerup tungaanut ingerlanneqassapput. Ataatsimiinneq ukiut tamaasa ingerlanneqartarpoq. Ukiormanna ataatsimiinneq siuartinneqarput uani sapaatip akunnerata naanerani Nuummi SANA ingerlanneqarluni.
Pilersaarutaagaluarpoq ukiamut Ilulissani ataatsimiinneq ingerlanneqassasoq aqutsisulli amerlanerit Nuummiimmata ataatsimiinneq Nuummi SANA–mi ingerlanneqarpoq.
