Peqqinnissaqarfimmi sulisut aningasarsiaasa ilassutissaat isumaqatigiisutigineqartoq
Peqqinissaq Pillugu Kattuffiit aamma Namminersorlutik Oqartussat isumaqatigiinniarnerini isumaqatgiissutigineqarpoq ilanngaaseereerluni killiliussaq 4 procenti ukiunut sisamanut agguataarneqassasoq.
Taama Peqqinnissaq Pillugu Kattuffiit siulittaasuat Inuuti Fleischer aamma Namminersorlutik Oqartussat isumaqatigiinniarnermi pisortaat Rasmus Sembach Olsen tusagassiutinut ullumi nalunaaruteqarlutik ilisimatitsipput
Marluullutik nalunaarutigaat isumaqatigiinniarnerit pitsaasumik iluarinartumillu ingerlanneqarsimasut, siunertaasimallunilu peqqinnissaqarfimmi maannakkut aalajaallutik piginnaasaqarluarlutillu sulisuusut sulisorisuaannarneqarnissaat.
Illuatungeriit isumaqatigiinniarnermi angusarineqartup peqqinnissaqarfiup aaqqissuuteqqinneqarneranut tapersersueqataanissaa immikkut pingaartillugu pisimavaat.
- Nuannaarutigaara, taamatut angusaqarnitsigut Peqqinnissaqarfimmi kommuninilu sulisoriinnarnissaat ikiuutaasinnaasumik ilaasortatsinnut pitsanngoriaatit qulakkeeratsigit, Inuuti Fleischer aamma Namminersorlutik Oqartussat isumatiginnginniarnermi pisortaat Rasmus Sembach Olsen oqarput. Rasmus Sembach Olsenilu oqarpoq
- Pisortat tungaanniit isigalugu, Peqqinnissaqarfiup aaqqiissuuteqqinneqarnissaanut anguniakkat tunngavilersornissaannut ikuutaasinnaasumik Peqqinnissaq Pillugu Kattuffiit peqatigalugit angusaqarneq pillugu naammagisimaarparput.
Angusap atuutsilinnginnerani illuatungeriit tunuliaqutaanniit akuerineqaqqaartussaavoq.