Peqqinnissaqarfimmi sulisunut isumaqatigiinniussineq naammassivoq
Taamaalillutik peqqissaanermik suliaqartut kingumoortumik akissarsisussanngussapput. Ilaatigut allanngoraartumik tapiisutit, aprilip aallaqqaataaniit 2009-mit akissarsissutigissallugit. Allanngorartumik tapiisutit tassaapput arfininngornerni, sapaatini aammalu nalliuttuni tapiisutaasartut.
Isumaqatigiinniarnermi angusat ilagaat, sulisunut utoqqaliarsaalersimasunut aaqqissuusaasumik atuuttuulersitsineq aammalu peqqissaasut ikiortaat ukiut marlukkaartumik akiliunneqarlutik sulinngiffeqarsinnnaalerneri.
Karin Holler, Peqqissaasut Kattuffiata siulittaasuata nuannaarutigaa isumaqatigiinniarneq naammassineqarmat.
- Ilaasortatsinnik utaqqikatattunik attavigineqartarpunga, qaqugu isumaqatigiinniarnerup naammassineqarnissaanik paasiniaasunik. Maannalu oqarsinnaavunga, ukiut marluk tulliit, isumaqatigiinniarnissamut piareersaavigilissagatsigit. Karin Holler naggasiivoq.
Isumaqatigiinniarnerup atsiornissaanik taama sivisutigisumik utaqqinerup pissutigaa Namminersorlutik Oqartussanit isumaqatigiissut aatsaat massakkut piffissaqarfigineqalersimammat. Peqqissaasut Kattuffiata ilaasoprtarai 435-t.
