Peqqinnissaqarfimmi pisortat suliunnaarsitaanerat isornartorsiorpaat
Ilimasaarinertaqanngitsumik taama pisoqarnera kattuffiup peqatigiiffiullu ilaasortaasa akornanni eqqissisimajunnaarnermik kinguneqartoq taakku oqarput.
Sulinnaarsitsigallarneq Kattuffiup peqatigiiffiullu akuersaarumanngilaat, inuit pisumut attuumassuteqartut aqqi taaneqarmata. Tamanna kattuffiup peqatigiiffiullu assorsuaq isornartoqartippaat kikkut akisussaasuusimasinnaanerannik apeqqut suliluunniit paasineqanngimmat.
Taamaattumik kattuffimmit peqatigiiffimmillu kaammattuutigaarput inuit pisumut attuumassuteqartut, aamma nunatsinni peqqinnissaqarfimmi sulisut, eqqissinissaat eqqarsaatigalugu pisoq suliaq piffissaq sivisuallaanngitsoq atorlugu suliarineqartariaqartoq, Peqqissaasut Kattuffianni siulittaasoq, Inuuti Fleischer, aamma Kalaallit Nunaanni Nakorsat peqatigiiffiata siulittaasua, Jesper S. Olesen, tusagassiuutinut ippassaq nalunaarumminni allapput.
Peqqinnissaqarfimmi pisortaq, Ann Birkekær Kjeldsen, ataasinngormat nalunaarpoq, pisoq sapaatip-akunnera una naatinnagu tamakkiisumik paasisaqarfiujumaartoq.
Pissusissaanngitsumilli iliorneq taakku akisussaaffigigunarpaat, taamaammat misissuisoqartinnagu suliunnaarsinneqarallarput, Ann Birkekær Kjeldsen ataasinngormat oqarpoq.