Peqqinnissaqarfik paarlattaasunut aningaasartuutikinnerusoq
Inuit Ataqatigiinnit Inatsisartuni ilaasortap, Sofia Geislerip paragraf 37-imut apeqquteqaataanut Peqqinnissamut naalakkersuisoq, Martha Abelsen akissuteqarluni taama allappoq.
Martha Abelsenip akissuteqaataa naapertorlugu paarlattaasussanik sulisussarsiornerup Nuummiit Danmarkimut, Københavnimut 2017-imi nuutsinneqarnera peqqinnissaqarfimmi sipaaruteqarmut pissutaasup ilarujussuaraa.
Paarlattaallutik sulisussat pingaartumik Danmarkimeersuusarmata peqqinnissaqarfik Københavnimi najuuttuaannalerpoq. Taamaammat peqqinnissaqarfimmi suleqatigilersinnaasat sumiiffigisaanni sulisussarsiorneq sulisussarsiortartoqatigiinnut ajornannginnerulerpoq.
AAMMA ATUARUK Nakorsat: Ulapaarneq napparsimasut isumannaassusaannut sunniuteqarsinnaavoq
- Sulisussarsiortartoqatigiit 2019-imi nittarsaassinerni qulini peqataapput, asoornerup nalaani arlaleriarlutik ataatsimiititsisarput, katillugit 279-inik peqataaffigineqartunik, peqqinnissamut Naalakkersuisoq paragraf 37-mut akissuteqarluni allappoq.
Danmarkimi sulisussarsiortoqatigiinnik pilersitsinikkut angalanermut piffissamik atuinikinnerusoqarlunilu Kalaallit Nunaata Danmarkillu akornanni angalanermut kiisalu najugaqarnermut aningaasartuutit ikilisinneqarput.
Paarlattaasartunut aningaasartuutit 2018-imi 51,3 millionit koruuniusut 2019-imi 36,6 millionit koruuniulerput. Sulisussarsiortartoqatigiit taamaalillutik 14,6 millionit koruuninik sipaaruteqartut, peqqinnissamut Naalakkersuisoq allappoq.