Naalakkersuisut Tina Amondsen peqqinnissaqarfimmi pisortassatut nalunaarutigaat.Assi: Namminersorlutik Oqartussat / Selvstyret

Peqqinnissaqarfik nutaamik pisortartaassaaq

Tina Amondsen peqqinnissaqarfimmi pisortatut atorfinittussanngorpoq. Taanna Namminersorlutik Oqartussani aqutsisutut misilittagaqarpoq.

Peqqinnissaqarfimmi Tina Amondsen pisortanngussasoq, Naalakkersuisut marlunngormat aalajangerput.

Naalakkersuisoqarfik tusagassiuutinut taama nalunaaruteqarput.

54-inik ukiulik Tina Amondsen Namminersorlutik Oqartussani ukiunik arlalinni aqutsisutut misilittagaqarpoq. Sullissivimmi "Steno Diabetes Center Grønland"-imi ukiut marluk kingulliit allaffissornikkut pisortaavoq, siornali septembarimi aamma peqqinnissaqarfimmi aqutsisuniilluni.

Tina Amondsenip atorfinitsinneqarnera, Peqqissutsimut naalakkersuisup, Mimi Karlsenip nuannaarutigalugu tusagassiuutinut nalunaarummi oqarpoq.

- Coronap tuniluunnerata nalaani ulapaarfiusumi suliaqarnermi pissutsinilu nalorninartorsiorfiusuni erseqqissumik suleriuseqarluni, tamatumanilu aqutsisutut suliassat arlallit isumagiitigalugit pingaaruteqartumik inissisimanikuuvoq, Mimi Karlsen oqarpoq.

Atorfik annertuumik akisussaaffilik Tina Amondsenimut tunniunneqarnera Mimi Karlsenip toqqissisimanaralugu itisiliivoq.

Ella Skifte peqqissaasut pisortaat, peqqinnissaqarfimmi  2021-imili pisortaagallarpoq. Tina Amondsen juulip aallaqqaataani atornissaaq.

Ella Skiftep sulisimaneranut Mimi Karlsenip qutsavigalugu tusagassiuutinut nalunaarummi allappoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl