Peqqinnissaqarfik AWG2016-imut piareersarpoq

Kalaallit Nunaata timersortartut, kulturimillu tunngasunut suliallit, pisortatigoortumillu qaaqqusat 2000-it missaat aappaagu Arctic Winter Gamesertoqarnissaanut atatillugu tikilluaqquppagit, peqqinnissakkut sulianut upalungaarsimanissamut soorunami unammilligassaqassaaq, soorlu ajutoortoqassappat napparsimalertoqassappalluunniit upalungaarsimasussat sulisorineqassallutik.

Peqqinnissakkut ingerlatsisut, Nakorsaaneqarfiup, kiisalu Peqqinnissamut Pitsaaliuinermullu Aqutsisoqarfip AWG 2016-illu akornanni isumaqatigiissuteqartoqarpoq, Dronning Igridip Napparsimmavissuani qitiusumik Peqqissutsimik Qullersaqarfiata, upalungaarsimanissaq tamanna isumagiumaaraa. Arctic Winter Gamesip pisortaa Maliina Abelsen taama oqarpoq:

- AWG 2016-imik aaqqissuussinitsinni piumasaqaataavoq timersortartuutitta nakorsiapallaffissamik nakorsamillu passunneqarfissamik piareersimasoqarnissaa. 2002-mi AWG-qarnerasulli Peqqinnissaqarfiup sulinini ingerlateqqissammagu nuannaarutigeqaara. Taamaaliornissaq timersortartussat, angajoqqaat, sungiusaasullu toqqissisimanarissaqaat, AWG 2016-ip pisortaa Maliina Abelsen oqarpoq.

Tikittussanit 200-iusunit 1750-it timersortartuussapput

AWG 2016-imi tikuttussat 2000-it missaanniissapput, taakkunanngalu 1750-it missaat timersortartuussallutik.

Alaskami Fairbanksimi siorna 2014-imi AWG-ertoqartoqarmat timersortartut 400-t missaat nakorsanit passunneqarput, misilittakkallu taakku aallaavigalugit taama amerlatigisut Nuummi aappaagu aamma misissorneqarnissaat naatsorsuutigineqarpoq.

Isummersuutit