Peqqinnissaqarfik atuakkamik saqqummersitsivoq
Atuagaq meeqqat sisamaniit qulinut ukiullit peqqissuunissaanut tunngasoq, ualiartoq Peqqinnissamut naalakkersuisumut Asii Chemnitz Narup-imut tunniunniunneqarpoq.
Naalakkersuisorlu atuakkamik saqqummersitsisoqarnera iluarilluinnarpaa. Taanna oqarpoq taamaattumik saqqummersitsisoqarnera inunnut tamanut iluaqutaajumaartoq.
Atuagaq angajoqqaanut meeqqerivinnut atuarfinnullu aqqutissiuisuussaaq. Meeqqat nerisassaanut aalasarnissaanullu ilitsersuisuuvoq.
Atuagaq PAARISA-mit nerisaqarnermullu siunnersuisooqatigiinni suliarineqarpoq.
Nerisaqartarnermut siunnersuutit qulit atuakkami ilaatinneqarput, pingaarnerpaatullu siunnersuutigineqarpoq assigiinngiiaartumik nerisaqartarnissaq.
Aamma kalaallit nerisassaataanik soorlu aalisakkanik, aalisakkanillu qallersuusianik aammalu kalaallit paarnaanik naatitaataanillu nerisaqartarnissaq atuakkami siunnersuutigineqarpoq.
PAARISA-mit oqaatigineqarpoq atuagaq sinerissamut aqagu nassiussorneqalerumaartoq, atuagarlu kommunip allaffianut imaluunniit napparsimmavimmut saaffiginninnikkut piniarneqarsinnaalluni.
