Peqqinnissaqarfik aaqqissuuteqqinneqassaaq

Illoqarfinni avinngarusimasuni quersortoqaleraangat taava imaassanngilaq pinerit tamangajaasa nakorsamik nutaamik takkuttoqartoq, taamaammat peqqissutsimut naalakkersuisup Agathe Fontainip, peqqinnissaqarfik aaqqissuuteqqinniarpaa.
Allattoq Jens Thorin
oktobarip 06-at 2009 14:44

Nakorsat ataavartumik atorfillit, qitiusumik aqunneqartumik atorfinitsittalernissaat, pilersaarutaasoq Agathe Fontain oqarpoq.

Nakorsat illoqarfinni avinngarusimasuniittartut ullumikkut sivikippallaamik atorfeqartarput, taakkua sivisunerusumik atorfimminniiginnartinniarlugit illoqarfinni arlalinniittut nunap immikkoortuini napparsimavinnut katersuutsinneqassasut, Agathe Fontain oqarpoq.

Aallaqqaammi suliffinni marlunni misiliisoqassaaq. Misiliivimmi siullermi Sisimiuni Maniitsumilu nakorsat ataatsimoortinneqalissapput, misiliiviup aappaani Aasiaat, Kangaatsiaq, Qeqertarsuaq Qasigiannguillu peqqinnissaqarfii ataatsimoortinneqalissapput.