Peqqinnissaqarfik 20- 30 millionit koruuninik pisariaqartitsivoq

Peqqinnissaqarfiup ukiumut piartagaasa 1,1 milliard koruunit saniatigut, ukiumut 20-30 millioner koruunit missaat pisariaqartinneqarput.
Allattoq Jaaku Lyberth
apriilip 29-at 2010 17:04

Tamanna saqqummiunneqarpoq ualimut Peqqissutsimut Naalakkersuisoqarfik tusagassiortunik katersortitsimmat.

Peqqissutsimut Naalakkersuisoqarfiup 2009-mi Deloitte Business Consulting A/S qinnuigaa peqqinnissaqarfiup aningaasaqarniarnera aaqqissugaaneralu misissoqqissaaqqullugit, aningaasat atugassarititaasut peqqissaanermut tunngatillugu inuiaqatigiinnut qanoq pissarsissutaatigisinnaanerannik kaammattuuteqarnissaq siunertaralugu.

-Naattorsuinigut malillugit ukiumut 20-30 million koruunillu akornanni ukiumut peqqinnissaqarfimmi pisariaqartinneqarput, ukiup 2020-ip tungaanut. Steen Daugaard naattorsueqqissaartarfimmi Deloittemi pisortaaneq oqarpoq. Nunarput nunanut allanut sanilliukkaanni peqqinnissaqarfik aningaasanik atuinerunngilaq. -Kalaallit nunaanni peqqinnissaqarfiup aningaasanik atuinera nunanut allanut sanilliullugu atuinikittuararsuuvoq.

Steen Daugaard naattorsueqqissaartarfimmi Deloittemi pisortaaneq oqarpoq.

Takornartaanngilaq nunatsinni peqqinnissaqarfiup aningaasameertuarnera, tamannalu pillugu allanngortiterinissamik pingaarnersiuinissamillu Deloitte-p tikkuaanera siunnerfittut pingaartutut Peqqissutsimut naalakkersuisoqarfimmi pisortap Ann Birkekær Kjeldsen-ip aqqutissatsialaanerarpaa.

-Aqqutissatut periarfissagut pingaarnerit pingasut tassaapput, siullertut napparsimasunik sullissinermi sukannernerusumik, imaluunniit peqqissaanermik neqeroorutinik pingaarnersiuinissaq.

Aappaattut sulisussanik amerlanerusunik pissarsinikkut.

kiisalu tunisassiorluarsinnaaneq naamassinnissinnaanerlu. Taakkualu tamaasa ingerlavissatsialaapput siunnerfissatut ersarissumik tikkuussisuummata Peqqissutsimut naalakkersuisoqarfimmi pisortap Ann Birkekær Kjeldsen oqarpoq. Politikerit nalunaarusiaq aallaavigalugu qanoq angitigisumik aningaasaliissanersut 2011-mi aningaasaqarnermi inatsisissami paasinarsissaaq.