Peqqinnissaqarfinni aningaasaqarniarnikkut ilungersunartorsiornerup kingunerisaanik, kukkuluttornerit nalunaarsorneqartannginnerat nakorsianut isumannaatsumik sullissisinnaaneq eqqugaasartoq kattuffiup nalilerpaat.Assi: Jonas Løvschall-Wedel

Peqqinnissaq pillugu kattuffiup peqqinnissaqarfinni kukkuluttortoqarnerulernissaa ernumatigigaa

Peqqinnissaqarfiup aningaasaqarnikkut ilungersunartumik inissisimanera peqqutaalluni nunatta napparsimmaviini sulisut kukkuluttortarnerat iluarsiartunngitsumik ingerlaannarsnissaa, nunatsinni Peqqinnissaq Pillugu Kattuffiinit siooragineqarpoq. Peqqinnissamulli aqutsisoqarfiup isornartorsiutit isumaqatiginngilai.

Nunatta napparsimmaveqarfiini kukkuluttortoqartillugu kukkuluttornerit nalunaarsorneqarneq ajorput, taamaammaallu ilikkarfiuneq ajortutut nunatsinni Peqqinnissaq pillugu Kattuffianiit nalilerneqarput.

Politikerit peqqinnissaqarfimmut aningaasat immikkoortittakkatik amerlinngippatigit kukkuluttortoqartuarsinnassaaq.

AAMMA ATUARUK Nalunaarusiaq: Nunatsinni peqqinnissaqarfimmut aningaasartuutit nunanut allanut sanilliullugit ikinnerupput

- Peqqinnissarqarfimmi sulisut assigiinngitsut imminnut attuumassuteqanngitsut arlallit suliatigut kukkuluttornernik nalunaarsuinermi periutsimik isiginngitsuusaarnissamik piumaffigineqarsimallutik oqaluttuunnikuuaannga. Sulisut ulappuppallaarnerannik tamanna peqquteqartoq nunatsinni Peqqinnissaq Pillugu Kattuffiit siulittaasuat, Ken Jensen, tusagassiutinut nalunaarummini allappoq.

Peqqinnissaqarfimmi sulisut nunatsinni Kattuffimmi ilaasortat peqqinnissaqarfiup ataani sulisuupput, peqqissaavinni sulisut, innarluutilinnut sullissisut pitsaaliuinermillu suliallit, nakorsat peqatigiiffiat minillugu.

Peqqinnissamut aqutsisut: Tamatuma kingunerisaanik kukkuluttornerat nalunaarsorneqartanngillat

Peqqinnissaqarfinni aningaasaqarniarnikkut ilungersunartorsiornerup kingunerisaanik, kukkuluttornerit nalunaarsorneqartannginnerat nakorsianut isumannaatsumik sullissisinnaaneq eqqugaasartoq kattuffiup nalilerpaat.

Tamatumunnga peqqinnissaqarfimmi allaffissornikkut aqutsineq annertuumik isornartorsiorpaat:

- Sulisut suliffimminni suleriutsinik pingaarutilinnik sussakkeerinnikkaluttuinnarnerat nunatsinni napparsimmavinni ajoraluartumik mianersuaatsumik aqutsisoqarneranut takussutissaasoq, Ken Jensenip oqaatigaa.

AAMMA ATUARUK Nakorsassaaleqineq erngertumik aaqqiivigineqarsinnaanngilaq

Peqqinnissaq pillugu kattuffiata isornartorsiutai ilumoorullugit, taamaakkaluartorli isumaqataanatik Peqqinnissamut aqutsisoqarfik KNR-imut mailikkut allappoq:

- Nakorsiat isumannaatsumik pineqarnissaat Peqqinnissaqarfimmut pingaaruteqarluinnartuuvoq. Tamanna katsorsaanissamut neqeroorutini peqqinnissaqarfiullu iluani suleriutsini atuuppoq. Siunertarinngisamik pisartut nalunaarsorneqartarnerat, sulianullu malinnaaqqissaarnerit, nakorsiallu sullinneqarnerisa qanoq ingerlasarnerat ukiuni kingullerni immikkut iliuuseqarfigaagut nukittorsaateqarfigalugit, Peqqinnissamut aqutsisoqarfik allappoq.

Aningaasaqarnermut Siunnersuisoqatigiit nalunaarusiaata ukiup allaartinnerani saqqummiussap takutippaa, nunatta nunanut avannarlernut nunanullu OECD-imi ilaasortanut sanilliullugu peqqinnissaqarfimmut aningaasat atortagai ikinnerusartut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat