Peqqinnissaq pillugu isumaqatigiissusiorput
Isumaqatigiissummi, Nunatsinni kommunit allat pingasut tapersersuinerisigut pilersinneqartumi, Namminersorlutik Oqartussat kommunillu peqqissutsimut suliassaannut tunngassuteqartuni suliniuteqartoqassaaq. Aallaqqaammut pineqarlutik pinaveersaartitsinermik siunnersortit suliaat, pinaveersaartitsinermi ataatsimiititaliat suliaat, ilaqutariinnut naartusortalinnut piaartumik siunnersuineq aamma atornerluinermik ajornartorsiutilinnik katsorsaaneq.
Immikkoortuni tamani iliuusissat sumik siunertaqarnerannik, nukiit illuatungeriinnit atorneqartussat, suliassat suut kimit akisussaaffigineqarnerannik, suliat naammassineqarnissaannut pilersaarummik iliuuseqarnerullu naliliiviginissaanut pilersaarummik ersersitsisumik pisussaaffiliisumillu isumaqatigiissusiortoqassaaq.
Peqqissutsimut suliniutissatut isumaqatigiissutit ukiumi ataasiugallartumi atuutissapput. Tamatuma kingorna innuttaasut peqqissuunissaat pillugu politikkikkut isumaqatigiissutit nutarterneqassapput allanillu kommunit peqqissutsimillu isumaginnittut qanimut suleqatigiissutigisassaannik ilaneqassallutik.
Tamatuma kingorna ilinniagaqassutsikkut assigiinngitsorpassuarnik tunuliaqutaqarlutik iliuusissanut aalajangersimasunut attuumassuteqartut, suliassaannik nassuiaatitalinnik ingerlatsinikkut isumaqatigiissusiortoqassaaq.