Issittumi peqqinnissaq pillugu ataatsimeersuarneq NUNAMED Nuummi pisussaq, sapaatip-akunnerata naanerani aallaartissaaq.

Ataatsimeersuarneq: Peqqinnissaq pillugu ilisimatusartut Nuummi naapittussanngortut

Issittumi peqqinnissaq pillugu ataatsimeersuarneq NUNAMED Nuummi pisussaq, sapaatip-akunnerata naanerani aallaartissaaq.

Nunamed Nuummi Hotel Hans Egedemi Katuamilu pisussatut aaqqissuunneqarpoq, Kalaallit Nunaannilu peqqinissakkut ilisimatusarnikkut suleqatigiinnerusoqalernissaa Nuna Med 2019-imi anguniarneqartoq, ataatsimeersuarnermik aaqqissueqataasup Gert Mulvadip oqaatigaa.

AAMMA ATUARUK Sikaritsinik tupanillu akitsuineq peqqinnissaqarfimmut oqilisaassisinnaasoq

- Kalallit Nunaanni peqqinnissaqarfimmi sulinermi inernerit pillugit saqqummiussaqarsinnaasunik 300-ngajannik peqataatitaqarsinnaanerput nuannaarutigaarput, ilisimatusarnermi angusat pillugit suleqatigiiaat akornanni oqallittoqarsinnaanissaa periarfissanngorsinnaammat, Gert Mulvad oqarpoq.

Aalisarnermi sulisut amerlasuut assigiinngitsutigut sapigaqalersarnerat, ataatsimeersuarnermi ilaatigut saqqummiunneqassaaq.

Sapigaqarnerup astmallu, uippakajaarnerullu Kalaallit Nunaanni atugaanerulernerat ilaatigut aamma saqqummiunneqassaaq.

AAMMA ATUARUK Nalunaarusiaq: Nunatsinni peqqinnissaqarfimmut aningaasartuutit nunanut allanut sanilliullugit ikinnerupput

Nunamedimik taallugit Kalaallit Nunaanni ataatsimeersuartarnerit 1991-imi aallartinneqarput. Grønlandsk Medicinisk Selskab, Peqqissaasut Kattuffiat, Nakorsat Peqatigiiffiat Kalaallit Nunaannilu Peqqissutsikkut Ilisimatusarfeqarfik aaqqissuisuullutik.

Nunamed 2019-imi ataatsimeersuarnermut peqataaneq 3000 koruuneqarpoq, ilinniartunut 1000 koruuneqarluni. Ullormili ataatsimi aamma peqataasoqarsinnaavoq, tamannalu 1000 koruuneqarluni.

Nunamed 2019-imi peqataasusssat ataatsimeersuarnerup aallartivinnginnerani Nuuk Lokalmuseumimi ullumi tallimanngornermi ilasseqatigiinnikkut tikilluaqquneqassapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat