Peqqinnissamut sullissineq ilimagisamit akisuneruvoq

Peqinnissaqarfik siorna aammaarluni politikerit aningaasaliissutigisimasaannik amerlanipilussuarnik pisariaqartitsivoq.

Taamaalillunilu aamma pissutaasunut annerpaavoq, aningaasaqarnermut naalakkersuisunngorlaap Inatsisartut ilassutitut aningaasaliissutissanik 35.600.000 koruuninik amerlassuseqartunik ullumi saqqqummiiffigimmagit.

- Peqqinnissaqarfimmut ilassutitut ukiut tamaasa aningaasaliisoqartarnera uannut naalakkersuisoqatinnullu ersiutaavoq, ukiuni tulliuttuni, 2012, '13 aamma '14-mi suna piviusorsiortuunersoq misissortariaqaripput, aningaasaqarnermut naalakkersuisoq Maliina Abelsen oqarpoq.

Ilassutit ukiuni kingullerni aningasaliissutaasarsimasut Maliina Abensenip misissuataarsimavai, takusinnaavalu Ingammik Peqqinnissaqarfik aningaasanik amigaateqalertuartartoq.

Ilassutitut aningaasaliissutit tassaapput aningaasat, ukiup ingerlanerani tassanngaannartumik siumullu ilisimareersinnaanngisamik pisariaqartinneqalersut.

Peqqinnissaqarfimmilu ilaatigut nakorsiartunik nunanut allanut angallassinermi 20.000.000 koruunit aamma nakorsaatinut qaavatigut akiligassat 5.000.000 koruunit anigaasaliissutit amerlinerinut peqqutaapput.

- Nakorsaatinut aningasaartuutit Rigshospitaalimullu aningaasartuutit naatsorsuutiginngisamik qaffariataartarput, tamakkualu siumut naatsorsuutigereersimasinnaanngilagut. Taamaattumik imaassinnaavoq, missingersuutit misissoqqittariaqarivut, aningaasaqarnermut naalakkersuisoq oqarpoq.

Nunatsinni peqqinnissaqarfiup ingerlannissaanut 1.114.000.000 koruunit siorna immikkoortinneqarsimapput. Tassalu taakkua katillugit 45.000.000 koruuninik ikippallaarsimapput.

Qaavatigut aningaasaliisoqaraangat, tamakkua aningaasaqarnermut ataatsimiititaliap akuersissutigisarpai. Aammami illua tungiliuttuneersut ataatsimiisitaliami ilaasortaata aappaa isumaqarpoq, taakkua tamarluinnarmik atorfissaqartut.

Kisianni aningaasaliissutit ukiut tamaasa sinnerlugit atuisoqartarnera ilinniarfiusariaqartoq, Per Berthelsen isumaqarpoq.

- Takusinnaavarput, Peqqinnissaqarfiup aningaasaliiffigineqanngikkuni toqqissisimatitsisinnaassusia appartussaassasoq. Taamaattumik ilassutitut aningaasaliisutit akueraavut. Kisianni tunngavia taanna, piviusorsiortumik missingeruusiortarnissaq Siumumiit pingaarteqaarput, ukiut tamaviisa ilassutitut aningaasaliisarnissaq pakkersimaarsinnaajumallugu, Per Berthelsen oqarpoq.

Peqqinnissaqarfimmut ilasutitut aningaasaliissuteqarnerup sanitigut aamma