Peqqissuunissamut suliniut Inuuneritta peqqinnissamut ingerlatsivinni tamani pingaartinneqartorujussuuvoq aamma ukiuni tulliuttuni peqqinnissamut tunngasunik najoqqutassiornermi pitsaaliuineq aamma sammisat peqqinnerulernermik kinguneqartartut ilaatinneqassapput.
Taama oqarpoq peqqinnissamut naalakkersuisoq Arkalo Abelsen kingoraakkaminut Asii Chemnitz Narupimut akissummini.
Peqqissaaveqarfinnik aqutsiviup 2005-imi misissuinerup kingornagut nalunaarutigaa nakorsiartitsinerit 38 procentii pitsaaliuilluni siunnersuinermut atorneqartartut.
Kissaatigisamik meerartaartarneq pillugu suliniaqatigiit ukiormanna suliniutissatut pilersaarummik saqqummiussissapput, naartuersittarnerit ikilisinnissaannik siunertaqartumik. Suleqatigiit allat kinguaassiuutitigut nappaammut klamydiamut akiuiniarnissamut suliniuteqarlutik qanittukkut aallartissapput. Aammattaaq suliniummik suliaqartoqarpoq Nunatsinni sukkornermut Diabetes 2-mut akiuiniarluni suliaqartussamik, ilaatigut akissummi taama allassimavoq.
