Peqqinnerusumik inuuneqalernissamut ikiuutissat
Kakkersagaq Inuussutissat pillugit Siunnersuisoqatigiit nerisanut innersuussutaat qulit tunngavigineqarput, meeraaqqallu alliartornertik ilutigalugu sunik nerisaqartariaqarnerannut nerisaqarsinnaanerannullu kiisalu sunik nerisinneqannginnissaannut tunngasut ilaatigut tassani atuarneqarsinnaallutik. Kakkersagaq immikkoortumik timip aalatinnis-saanut tunngasumik meeqqap ineriartorneranut peqqinneranullu annertuumik pingaaru-tilimmittaaq ilaqarpoq.
- Nerisat timillu atornera innuttaasut peqqissuunissaat pillugu suliniummi Inuuneritta II-mi sammisat pingaartinneqartorujussuupput, pissutigerpiarlugu nerisat timillu aalatinnera peqqissutsitsinnut pingaaruteqartorujussuummata. Naartusunut ilaqutariinnullu mikisunik meerartalinnut kakkersagaq, ilaqutariit amerlanerit peqqissumik inooriaaseqarnermik toqqaanissaannik, Naalakkersuisut anguniagaannik tapersiivoq, Peqqissutsimut Attaveqarnermullu Naalakkersuisoq, Steen Lynge, oqaaseqarpoq.
Peqqinnissaqarfiup kakkersagaq tunniutissavaa: ”Siunnersuutit peqqinnartut - Meeraaqqat 0-3 ukiullit aamma naartusut milutsitsisullu”, angajoqqaanngortussanut angajoqqaanngorlaanullu. Kakkersagaq aamma Peqqinnissaqarfiup nittartagaani www.peqqik.gl –mi aaneqarsinnaavoq.