Peqqinnerulernissaq siunertaralugu Julie Berthelsen aviiseeqqani

Julie Berthelsen imermik imeqattaartartoq inuttaralugu aviiseeqqat qalipaatigissaartut saqqummersinneqaqqammerput.

Meeqqat inuusuttuaqqallu peqqinnarnerusumik inuuneqalernissaat anguniarlugu Paarisa-mit isumassarsiaq kingulleq taamatut isikkoqarluni saqqummerpoq.

- Meeqqat inuusuttuaqqallu, ingammik atuarnermik nalaanni, nerisartagaat imigarisartagaallu nuannersumik sunniiffiginiarlugit atuagaq saqqummersissimavarput, Paarisami siunnersorti Anita Johansen oqarpoq.

Suhrs-imi ningiussat atuarfianni ilinniartut, Nerisaqarnermut Siunnersuisooqatigiit Inerisaavillu suleqatigiillutik titartakkanik saqqummersitsipput.

Titartakkat danskisut kalaallisullu allanneqarlutik Rekkus Mareridtimik taaguserneqarsimapput. Rekkusip naqinnertai killormut saatikkaanni sukkerimik atuarneqarsinnaavoq.

Titartakkat saqqummersinneqartut aqqanilinnik qupperneqarput Rekkus Najalu inuttaatinneqarlutik.

Mamakujuttut sodavandit allallu sukkunik ulikkaartut atuakkami Rekkusimik Najamillu ussiiniartartuupput. Inuusuttuaqqat ingerlaarnerminni Julie Berthelsen naapikkamikku oqaluttuunneqarput Julia nammineq peqqinnartunik nerisarlunilu imertarami nukissaqarluartartoq. Atuakkap naanerani inuusuttuaqqat Juliamit siunnersuutigineqartut uppernarsivaat peqqinnartunillu nerisalerput imertalerlutillu.

- Meeqqat inuusuttuaqqallu ullutsinni qarasaasiamik fjersynimillu sammisaqartartorujussuummata malinnaaniarluta titartakkamik saqqummersitsisimavugut, Anita Johansen naggasiivoq.

Titartakkat atuaqatigiinnit atorneqarsinnaasunngorlugit nassiussuunneqarput ilinniusiamik isumassarsiorfissatut ilanngunneqarsimasumik ilaqartinneqarlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat