Peqqinnartumik inuuneqassagaanni akissaqarnissaq pisariaqarpoq
Peqqinnartumik inuuneqarumagaanni aamma akissaqarnissaq pisariaqarpoq, ingammik Danmarkimut nunanullu avannarlernut sanilliutissagutta, taama Siunnersuisooqatigiit nalunaarusiaanni atuarneqarsinnaavoq,
Akissatigut ajalusoortarneq siunnersuisooqatigiit sammisassaasa qiterivaat.
Nerisaqarnermut siunnersuisooqatigiit 2008-mi nerisarissaarnissamik paasititsiniaanerata ingerlasimanera misissorneqarmat paasineqarpoq, nerisassatsialannut qulinut siunnersuutit akissaqassuseq taamaallaat malillugu pisiariniarneqarsinnaasartut.
Aamma timersortarnerput aappaagu sammineqangaatsiassaaq. Siunnersuisooqatigiit ukiup massuma naalernerani atuagassiami SILA-mi saqqummiussissaaq. Qulequtarineqassalluni "Nerisassat, Timi Piorsarsimassuserlu".
Atuagassiami meeqqat atuarfii unammisinneqassapput, tassani qanga atuarfinni anitsiarnerup nalaani pinnguaataasarsimasut nuannersut nassaareqqinniarnissaannut unammisitsissutigineqassallutik. Aamma illorsuarni timersortarfiusuni assigusuniluunniit nerisassat sassaalliunneqartartut pitsaassusaat sammineqassaaq, taama Nerisaqarnermut siunnersuisooqatigiit nalunaarput.