Peqqinnarnernik nerisalerput

Danskit nerisartakkatik piareeriaannaat, soorlu burgerit pizzallu, peqqinnarnerusunngorlugit nerisalersimagaat naggasiutigalugu oqaluttuarissavarput.

Nerisassat peqqinnarnerusut pineqartut tassaapput aalisakkat uunneqanngitsut, thailandimiut nerisassaataat, japanimiullu nerisagaat.

Akunnittarfiutillit neriniartarfiutillillu kattuffiata, Horestap, misissueqqissaartarfik Gallup misissuitimmagu tamanna paasineqarpoq.

Piariikkanik neriarniartarfinnut aalajaallutik ullut tamaasa neriartortartut malunnaatilimmik ikiliartorput.

Neriniartarfinnut neriartortartut 1997-imi 5,6 millioni koruunit nalinginut nerisimaneri 2005-imi 2 millioni koruuninut ikiliariarsimapput – tassa 64 procentit missaanni appariarsimallutik.

Taamaakkaluartorli piareeriikkanit neriniartarfiit kaaviiaartitaat ikileriarsimanngillat.

Nerisassat nutaat peqqinnarnerillu, soorlu aalisakkat ooqanngitsut, neriniartarfinni sassaalliutigineqartalersimapput.

Danskit aalisakkanik ooqanngitsutortalersimanerat, nunatsinni aalisartutsinnut iluaqutaasinnaassagunarpoq.