Siorna Londonimi qaartartumeerisoqarnerani tuluit kilitsissiaqarfimmik qaartartumeerisut ilaannik ilisimaqarnersimaneri paasineqarneqaraluarmat kilitsissiaqarfik MI-5 pisuutinneqanngilaq.
Londonip aaqqusernisa ataanni qimuttuitsut aqqutaanni sulluliani marlunni qaartitsinerit, aqqusinermilu bussit quleriit qaartinneqarneri pinngitsoortinneqarsinnaasimanngillat.
Qaartartumeerinerit pinngitsiartut kilitsissiaqarfik MI-5 pasitsaassaminnik ilisimaqalersimagaluarput, nassuiaruminaatsumilli terlinganit malersuinertik taamaatissimavaat.
Misissuititat nalunaarusiaminni erseqqissaatigaat kilitsissiaqarfiup inussaaleqinertik pissutigalugu malinnaasinnaajunnaarsimasut.
Kilitsissiaqarnermili immikkut ilisimasallup Christian Black-ip nassuiaaneq akuerisinnaanngilluinnarnerarpa:
Dalet: 00:00:47.424…….00:00:52.680
-Ilimatsaassamik ilisimasaqalereeraluarluni suliamik ingerlatitseqqinnginneq kilitsissiaqarfimmit kukkunerujussuuvoq.
Inuusuttunnguit pingasut qaartartumeerinerminni inuit 57-it toquppaat 700-llu sinnillit ikilertiterlugit.
Ilimatsaanneqarput kangianut angalanerminni Osama bin-Ladenimit sunnerneqarlutik qaartartumeerisimanissaat.