Peqqarniisaarniatut pasisat 13-it tigusarineqarput
Peqqarniisaarniatut pasisat 13-it Kurderiusut, ullaaq manna Frankrigimi Parisip eqqaani tigusarineqartut ritzau allaaserinnippoq.
Taakku peqqarniisaarnianut aningaasaliisarsimasutut pasineqartut politiit oqarput. Tigusarineqartut peqqarniisertartussanik sulisitsisarsimasutut aamma pasineqarput.
Siusinnerusukkut Tyrkiamiut marluk aningaasanik 200.000 euro-nik tassa 1,5 million koruuninik inuttarsineqanngitsumut nassiusseriaraluarsimapput. Tassunga atatillugu politiit oqaaseqarumanngikkallartut ritzau allaaserinnippoq.
Kurderit tyrkiamit avissaarusuttut suliniaqatigiiffiat PKK, peqqarniisaarniartartutut europamit nalilerneqarsimapput. PKK-meersullu Kurderinut namminersulersitsiniarlutik sakkulersorlutik sorsuttarput. Maannakkullu peqqarniisaarniatut pasisat 13-it ullaaq manna Frankrigimi tigusarineqarput.
