Peqqarniisaarniat Ontariomi Canadamiittumi saassussinissamik piareersaateqarsimasutut pasisat 17-it Canadami politiinit tigusarineqarput.
Qaartartuliassanik ammonium-nitrat-nik 3 tonsinik pasineqartut toqqortaqarsimasut Kriminalkommissæri Mike McDonnell oqarpoq. Qaartartuliassaq pigineqartoq annertungaarmat, 1995-mi Oklahomami peqqarniisaarniat qaartitsissutaanit pingasoriaammik qaartartuliassaq annertussuseqarpoq.
Inersimasut aqqaneq-marluk inuusuttullu tallimat peqqaarniisaarniarsarisimasutut pasineqarlutik politiinit tigusarineqarput.
- Inuit taakkua avatangiisiminnut ulorianartorsiortitsipput, saassussinissamullu piareersimalluinnarsimallutik. Tigusarinninnerput saassussinissaraluamik pinngitsoortitsivoq, McDonnell naggasiivoq.