Peqqarniisaarniat marluk Canadami tigusaapput
Pinerliiniartutut pasisanik allanik politiit tigusarinninniarlutik nalunaaruteqarput.
Pinerliiniarnissaminnik pilersaarusiorsimasutut pasineqarlutik tigusarineqartut pimoorullugu pinerliiniarnissaminnik pilersaarusiorsimasutut politiinit oqaatigineqarput.
Ukioq 2006-imi Canadami politiit inuit marluk pinerliiniatut paasivaat tigusaralugillu. Ukiut marluk matuma siornatigut tigusarineqartut marluk Torontomi aningaasanik niuerfimmik, atomi atorlugu innaallagissamik pilersuiffimmik sakkutooqarfimmik, Canadami politiit isertortumik paasiniasarfiannik aammalu Ontariomi innnaallagissat aqqutaasa atortuinik saassussiniarlutik pilersaarusiorsimapput.
Ottowami tigusarineqartut 2006-imi tigusarineqartunut attuumassuteqarneragaapput.
Angutit marluk tigusarineqartut allanik saassussinissamik pilersaarusiuleruttortut tigusarineqarsimapput, Canadami tusagassiorfiit arlaqartut tusarliipput.