Peqqarniisaarniarnissamik pilersaarusiortoqarsimavoq

Politiit isertortumik paasiniaasartut, PET, svenskilu politiivi isumannaallisaasut, SÄPO, ullumi inunnik tallimanik tigusarinnipput, Jyllands-Postenip Københavnimi allaffianut ulluni qaninnerni peqqarniisaarniarlutik pilersaarusiorsimasutut pasisaasunik.
decembarip 29-at 2010 11:28

PET naapertorlugu svenskit pingasut biilimik attartukkamut ilaallutik unnuaq Stockholmimiit Danmarkiliarsimapput, ullaarlu politiit inuit taakku tigasaraat, Irakimioq Danmarkimut qimaasutut isernissamik qinnuteqartoq ilanngullugu.

Tamatuma nalaani svenskit politiivisa isumannaallisaasuisa, SÄPO-p, Tunisiamioq 37-inik ukiulik Sverigemi innuttaasoq Stockholmimi tigusaraat.

Danskit aviisiat peqqarniisaarnianit eqqorneqarniarneqarnera, peqqarniisaarnianik paasisimasallip svenskip tupaallaatiginngilaa.

- Aviisimut saassussinermik iluatitsisoqarpat, sorsukkumatuunit ataqqineqaatigiineqalersinnaavoq. Tamannalu piviusuuvoq, siunissamilu allanngornissaa ilimananngilaq, Magnus Ranstorp Ritzauimut oqarpoq.

Danskit inatsiseqarnermut ministeriata peqqarniisaarniarnermik pilersaarutit "ajuallannartutut" oqaatigai.

- Peqqarniisaarniat inunnik amerlanerpaanik toqutsiniarnerat annilaarnarpoq, maannamullu Danmarkimut peqqarniisaarniarnerit ingasannersarigunarlugu, Lars Barfoed Ritzauimut oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq