Peqqarniisaarniarnissamik pilersaarusiorsimasut pineqaatissinneqartussanngorput

Angutit peqqarniisaarniarnissamik pilersaarusiorsimasutut unnerluutigineqartut marluk Danmarkimeersut maanna pineqaatissinneqartussanngorput. Suliaq Glasvejssagemik maanna taaguuteqalersimasoq taamaasilluni naammassivoq.
Allattoq Louise M. Kleemann
oktobarip 21-at 2008 07:47

Glostrupimi eqqartuussivik inunnik ulikkaartoq pineqaatissiisoqarpoq. Imminut toqoriaatigaluni peqqarniisaarniarnissamik videoliat qaartartuliornissamillu ilitsersuutit angutit pineqartut pigigaat eqqartuussiviup oqaatigaa, pineqaatissiinissamullu tunngavissaqarnerarlutik.

Pakistanimi illoqarfiit Al-Qaedakkunnik illersuisullit angutip aappaata tikissimagai aamma oqaatigineqarpoq. Mobiltelefoni atorlugu assilisat takutippaat angutit sakkulisartut akuuffigineqartut.

Qaartartuliornissamik ilitsersuut Pakistanimi pissarsiareriarlugu akitsip iluanut toqqorlugu Danmarkimut eqqunneqarsimavoq.

Akuutissaq TATP qaartartuliornermut atorneqartartoq eqqartuunneqartunit pissarsiarineqarsimavoq, imminullu toqoriaatigaluni qaartartumeerinissaq angutip aappaata erinarsuutigigaa videoliarineqarsimalluni.

Qaartartup 20 kiilunik oqimaassusillip inunnik 100-likkaanik toqutsisinnaanera angutit taakku marluk aamma oqallisigigaat anngiortumik naalaarnikkut paasineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq