Peqqarniisaarniarnissamik pilersaarusiorsimasut pineqaatissinneqarput
Peqqarniisaarniarnissamik pilersaaruteqartut ittuat ukiuni aqqaneq-marlunni parnaarussassanngortinneqarpoq, kammalaataalu ukiuni arfineq-marlunni parnaarussassanngortinneqarlunilu Danmarkimiit anisitaavoq inuunermilu sinnerani Danmarkimut iseqqusaajunnaarluni.
Peqqarniisaarniarnissamik pilersaarusiorsimasut Glostrupip eqqartuussiviani eqqartuunneqaramik taamaalillutik pisuutinneqarput.
Angut 22-nik ukiulik danskisut innuttaassusilik Pakistanimiu, aqqa HK-mik naalisarneqarsimasoq, eqqartuussivimmi unnerluussisup piumasaaniit sivikinnerusumik parnaarusimaneqartussanngorpoq.
Kammalaataa Afghanistanimiu, AT-mik aqqa naalisarneqartoq, ukiuni aqqaneq-marlunni parnaarusimaneqassaaq Danmarkimiillu anisitaalluni, taama aviisi Politikeni allaaserinnippoq.
Eqqartuussivimmi illersuisut piumasaqaraluarput HK ukiuni arfineq-pingasuni quliniluunniit parnaarusimaneqassasoq AT-lu ukiuni pingasuni sisamaniluunniit parnaarusimaneqassalluni.
