Peqqarniisaarniarnermut akiuinermi sakkoq nutaaq

London-ip mittarfissuanut peqqarniisarniartartut saassuniarlutik pilersaaruteqarnerigaluat paasineqareersorlu amerikamiut ilisimatuut peqqarniisaarnermut sakkumik akiuussutaasinnaasumik nassaarsimasut, atuagassiaq Ingeniøren allappoq.

Sakkoq HAZAID-imik atserneqarsimasoq nipit maligaasai atorlugit imerpalasut pasinarsinnaasut timmisartumut eqqunneqannginnerini paasisinnaavaat. Sakkoq malussaringaarami Coca cola-t Cola light-illu allaat immikkoortissinnaavai.

Ilisimatuut Pacific Northwest National Laboratory-mi Richlandimiittumi teknikki nutaaq nassaarivaat. Amerikamiut akitsuuseriviit atugassaattut suliarineqarsimasoq, Aaron Diaz, laboratoriami fysikereq oqaluttuarpoq.

Isornartorsiuisulli nuannaarpallaaqqusinngillat. Kukkusinnaaneq annertuallaarpoq, inuillu timmisartoqarfinni isumannaallisaallutik nakkutilliisut aqqusaaraangamikkit kukkusumik kalerrisaarinerit amerlavallaassapput, isornartorsiuisut isumaqarput.

Amerikamili pisortat soqutiginnittorujussuupput. Teknikkikkut nassaaq nutaaq atuutilersinnagu Ilisimatuut misileraanerit arlallit ingerlanniarlugit nalunaaruteqarput.