Peqqarniisaarniaq Odenseliarniarsimagaluarpoq
Julip 31-iani Tyskland-imi qimuttuitsunik qaartartumeereriaraluartup aappaa, Odense-mut qimaasussatut bilitsimik inniminniisimagaluartoq, aviisi Ekstra Bladet allappoq.
Tysklandimi saassusseriaraluarnerit iluatsinngitsut qaangerneqareersullu, ullut arlalialunnguit qaangiummata, angut 21-nik ukiulik Libanoniminngaanneersoq Kiel-ip qimuttsuitsoqarfiani tigusarineqarpoq.
Tyskland-imi pisortat misissuisimanerat naapertorlugu, angut 21-inik ukiulik saassusseqataariaraluartoq, Odensiliartussaasimagaluarpoq, islamit palasiat imami qimaaffigiartorlugu. Taassumalu kingorna, qatanngutini Sverigimi najugalik ornittussaasimagaluarpaa.
Angutip inuusuttup mobiltelefoniani imam-ip normua ersissimavoq. Palasilli taassuma angut inuusuttoq kinaanersoq ilisimannginnerarpaa.
- Angut inuusuttoq oqaluussimanngisaannarpara, kinaanersorlu nalullugu. Aammami ullutsinni ileqquulersimavoq kikkulluunnit telefon-normut pigisaraat, palasi imam taama oqarpoq.