Peqqarniisaarnianut akiliisarput
maajip 22-at 2006 10:31
Irak-mi sallunaveequtitut tigusarineqartarsimasut arlalissuit iperagaatinniarlugit aningaasat katillugit 250 mio.kr.-nit Frankrigimit Tyskland-mit Italiamillu akiliutigineqartarsimapput.
Taamatut iliortoqartarsimanera nunanit killerneersunit arlalissuarnit narrujuummissutigineqarsimavoq. Nunat taakkua isumaqarput, peqqarniisaarnianut aningaasanik tunniussisarneq kusananngitsuliornerusoq, sallunaveequtitullu tigusisarnernut kajumissaarinertut akuerinninnertullu aningaasanik akiliisarsimaneq nalilerneqarpoq.
Peqqarniisaarnianik sallunaveequtinik tigusarinnittarsimasunut iperagaanneqqusillutik,
aamma Sverige, Tyrkia, Rumænia Jordan-ilu aningaasarpassuarnik akiliisarsimasunut ilaasutut pasineqarput.
