Peqatigiiffiup nutaap uummalluttut ikiorniarai

Peqatigiiffik nutaaq Hjertelivet pilersinneqarpoq, peqatigiiffik nunatsinni uummalluttut peqqinnissaqarfimmi atugarisaasa pitsanngorsaaffiginissaanut sulissuteqarniarpoq.
Assi © : Hjertelivet
aggustip 29-at 2017 06:15

Peqatigiiffik nutaaq Hjertelivet pilersinneqarpoq, peqatigiiffik nunatsinni uummalluttut peqqinnissaqarfimmi atugarisaasa pitsanngorsaaffiginissaanut sulissuteqarniarpoq.

 

Peqatigiiffiup uummalluttut qanigisaasullu imminnut attaveqarluarnissaat sulissutiginiarpaa.
Soorlu aamma uummalluttut pitsaanerusumik ikiorserneqartarnissaat siunertarineqartoq.

Uummalluttut suliaritinnginneranni, suliaritinnerup nalaani suleritereernerullu kingorna pitsaanerusumik ikiorserneqartalernissaat anguniarneqarpoq.

Soorluttaaq suliaritereersimasut illoqarfimminni sungiusaasunit sungiusarneqartarnissaannik aaqqissuussisoqartalissasoq.

Assigiinngitsunik aaqqiissuussisarniartoq

Peqatigiiffik assigiinngitsunik aaqqissuussisassamaarpoq, tassani timersorneq, nerisaqarneq, pujortarunnaarniarneq allatigullu inooriaatsimik allanngortitsineq aallunneqarumaarlutik.

Aaqqissuussani taakkunani uummalluttut uummalluttunik allanik naapeqateqarnissaminnut misilittakkaminnillu avitseqateqarnissaminnut aamma periarfissinneqassapput.

- Nunatsinni uummalluttut illoqarfigisaminni sungiusartarnissaannik periarfissinniarlugit aningaasanik
katersuiniartitsinissaq sulissutigissavarput, Elise Bruun peqatigiiffik Hjertelivet-meersoq tusagassiutinut nalunaarummini taama allappoq.