Assi: Taqqissuut

Peqatigiiffiup nutaap namminersulivinnissaq oqallisigitileraa

Namminersulivinnissamut oqallinneq piviusorsiorpa, taama qulequtserlugu Ilisimatusarfimmi peqatigiiffik Taqqissuut Kalaallit Nunaanni inuusuttut oqallinnissaannut oqallitsilerpoq.

Aallarniutigalugu namminersulernissamik oqallinneq qiteritinneqassaaq. Taamaattumik peqatigiiffiup Inatsisartuni ilaasortat, Lars Emil Johansen, Randi V. Evaldsen, Steen Lynge, Aqqaluaq B. Egede, Hans Enoksenilu Ilisimatusarfimmut qaaqqusimavaat.

- Kalaallit namminersulernissaat oqallisigissuarput, naalakkersuinermilu suliaqartut aningaasarsiornikkut naalakkersuinikkullu kusanartumik anguniagaqarnermik tulleriiaarinissamik tusagaqarfigissavagut. Ilinniartitaaneq oqaluuserineqassaaq, oqaatsillu kalaallinut inuusuttunut qanoq pingaartiginersut, ilinniaqqinnissamullu ingerlariaqqinnissamut qanoq sunniuteqarsinnaanersut oqallisigineqassapput, Taqqissuummit qaaqqusissummi ilaatigut taama allapput.

Oqallinneq kalaallisut Ilisimatusarfimmi nal. 16.15 ingerlanneqassaaq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat