Peqatigiiffittaami siulersuit inissitsiterput
Pinngortitamik avatangiisinillu illersuiniaqatigiiffimmi nunaqavissunit aallartinneqaqqammersumi siulersuisunut ilannguttut inissitsiteqqammerput. Siulittaasunngorpoq Jesper Guldager Labansen, siulittaasup tullia Bjarne Lyberth Ababsimik aamma taaneqartartoq. Aningaaserisoq Uwe Lindholdt. Allatsi Helle Jørgensbye, siulersuisuni ilaasortat Signe Gammeltoft aamma Michael Rosing.
Peqatigiiffiup atissaa suli aalajangiunneqanngimmat unammisitsineq aallartippoq.
Ilaasortat nutaat allallu soqutiginnittut maajip ulluisa 15-iat tikitsinnagu Pinngortitamik avatangiisinillu illersuiniaqatigiiffiup atissaanik siunnersuusioqquneqarput. Suullu piumasaqaataanersut nittartakkami nuna gl titarneq uingasoq nattoralik (www.nuna.gl\nattoralik) allallugu paasineqarsinnaapput.
Nattoralik peqatigiiffittaap atissamisut siunniussimasaralua Paamiuni timersoqatigiiffiup aterereermagu allamik atertaarnissaq siunniunneqarpoq, taamaammallu unammisitsisoqalerluni.
