Peqatigiiffimmi ilaasortat 3,5 millioni koruuninik utertuulerput
Isumaqatigiissuteqarnerup Atertami 1995-ip 2003-illu akornani najugaqarnikut ineqarnermut akiliutigivallaarsimasaminnik utertoorumaarneranik kinguneqassaaq.
- INI a/s-ilu isumaqatigiissuteqarneq nunatta sinnerani najugaqatigiinnut allanut sunniuteqarnavianngilaq, akiliivallaarutigisimasatsinnilli sukataarluta eqqartuussivilersuussisimanerput immini peqqissimissutissaanngilaq, Atertami najugaqartut peqatigiiffiat 181 sinnerlugu, Martin Ben Shalmi oqarpoq.
- Eqqartuussivilersuussutigissagut amerlanerit Najugaqarfigisatsinnuinnaq tunngassuteqarput, najugaqarfinnullu allanut attuumassuteqalersinnaanatik, Martin Ben Shalmi oqarpoq.
Eqqartuussivilersuussinerup ingerlanerani inatsisiliortut ineqarnermut inatsit kukkuneqartoq nangaasumik nassuerutigisimavaat. eqqartuussivilersuussinerullu ingerlanerani tamanna aaqqinneqarpoq.
Peqatigiiffiullu 181-ip eqqartuussivilersuussineqarnera tamaat ajungaanissartik qularisimanngilaat, maannalu ukiut arfineq marluk qaangiutillartut suliap inerneqarneranut Martin Ben Shalmi nunaannarluinnarpoq.
Martin Ben Shalmimut suliaq ilungersunarsimaqaaq. Akunnerit arlallit suliap Nunatta Eqqartuussiavitigut kiisalu Østre Landsretikkut suliarineqarmat malinnaavigisimagamiuk.
Peqatigiiffimmiilli 181-imiit nuannaarutigineqarpoq, kalaallit eqqunngitsuliortoqarneranut akerliullutik oqariartuuteqarnerat imminut akilersinnaasimammat. Tamannalu nunatsinni ineriartornermut sunniuteqarluarumaartoq qularineqanngilaq.
- Inuk eqqunngitsuliortumut akerliunissaminut nukissaqartoq, pisussaaffeqarpoq akerliunissaminut, tamannalu ineriartornermut iluaqutaassaaq, Martin Ben Shalmip oqarpoq.
