Peqatigiiffilerineq kalaallit Danmarkimiittut iluaqutigisarpaat
Kattuffik Namminersornerusuniit ukiumut 250.000 kruuninik tapiiffigineqartarpoq.
- Aporfissanik ulikkaartarami qallunaat nunaannut nuunnikulluni, kalaallit ulluinnarni oqaloqatigissanagillu aammalu takuneq ajorlugit ilaanneeriarluni inuuneq eqqimiillisarami. Taava peqatigiiffeeranngiut 22-it maaniittut siulersuisui pikkorissartittarpagut kalaaleqatiminnik qanoq oqaloqateqarnissaat pillugu, naapeqatigiikkamik suut sammisassaneraat aammalu peqatigiiffilerinermut ulluinnarni oqalisaatissaannik assigiinngitsunik tuniorartarlugit, Niels Peter Nielsen oqarpoq.
Kalaallit peqatigiiffiini assiginngitsuni ilaasortat amerlanerpaat qaammatit tamaasa naapeqatigiittarput ilaatigut kalaaleqatinik oqaloqateqarnissaq pingaanertut anguniarlugu.
- Isumaqartaramik kisimiillutik. Kisianni takuleraangamikku amerlasoorpassuit taamaattut ajornartorsiutitik eqqartorlugit nukittorsaatigilertarpaat. Soorlu qungujulaarlutik takkukkaangamik aallaqqittarput qitutsiliivillutik. Peqatigiiffeqanngitsuugunik immaqa kiserliortukassaalutik inuussagaluarput, taamaattumik isumaqarpunga peqatigiiffiit ingerlaqqinnissaat, Niels Peter Nielsen oqarpoq.
