Assi: KNR

Peqatigiiffik nammineq kajumissutsimik sulerusuttunik pissarsiortoq

Peqatigiiffik imminut toqunnermik pinaveersaartitsiniarfiusoq Inuuneruna Iggoraarsuk arlalinnit ukiut pingasut sinnerlugit matuma siorna aningaasaliiffigineqarpoq. Ilaatigut Namminersorlutik Oqartussat aningaasaleeqataapput. Taamaattoq peqatigiiffik sulitigussaasunik naammassisaqanngilaq.

Peqatigiiffiup Inuuneruna Iggoraarsuup nittartagaliornissamut ilaatigut NunaFondenimit 150.000 koruuninik 2015-imi aningaasaliiffigineqartup suliai sumut killippat? Aalborg Universitetetimi ilinniartup Ivaana Krisriansen Olsenip suli nittartagaliortoqarsimanngitsoq paasigamiuk tamanna eqqarsaatigaa.

- Apeqqusernartittorujussuuara nittartakkap naammassineqarsimannginnera. Paasiniaarusullunga suliaq taanna sumut killippa? Takussutissanik takorusuppunga aningaasanik eqqunngitsumik atuisoqarsimannginneranik atuisoqarsimanerulluunniit takussutissanik, Ivaana Kristiansen Olsen taama oqarpoq.

AAMMA ATUARUK Langt færre mennesker i verden begår selvmord end i 1990

Nittartagaliorneq ilimagisamit suliassartaqarnerusoq Inuuneruna Iggoraarsummik pilersitsisoq, Paninnguaq Tarrak-Petrussen nassuiaavoq.

- Amerlannginnatta kajumissutsimik suliniaqaqataasut suliaq kingaattumik ingerlavoq. Takorloornikuungaluaratsigu kajumissutsimik suleqataarusussasut amerlajumaartut taavalu una anguniagaq nittartagaq oqitsumik kivissallutigu kisianni paasinikuuarput suliaq annertoorujorujussuusoq, Paninnguaq Tarrak-Petrussen taama oqarpoq.

AAMMA ATUARUK Tasiilami inuusuttut imminut toquttarneq pillugu isiginnaartitsissusiortut

Peqatigiiffimmut aningaasaliissutit ilaat nittartakkamut atorneqarsimasut, peqatigiiffiup naatsorsuutaani, KNR-imit misissorneqareertumi, takuneqarsinnaavoq.

Suliniulli aporfeqarfiusarsimammat, nittartagaq aallaqqaanaaniit suliarineqartariaqalersimasoq, Paninnguaq Tarrak-Petrussen nassuiaavoq.

- Kisianni angunissaata tungaanut suliniutigiumaarparput aningaasartai, aamma takusattut kontotsinni suli aningaasaateqarpugut taakkua aamma atorfissaminnut atorumaarput.

Inuuneruna Iggoraarsummik pilersitsisoq, Paninnguaq Tarrak-Petrussen taama oqarpoq.

Peqatigiiffik kajumissutsiminnik suleqataajumasunik suli pisariaqartitsisoq Paninnguaq Tarrak-Petrussen aamma oqarpoq.

AAMMA ATUARUK Imminut toqunneq oqallisigineqarlik

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat