Peqatigiiffik K'utdligssat Ikinngutaat tunissuteqarfigineqartoq

Qullissat inuerunneranniit ukiut 40-nngorlugit malunnartinneqarnissaanut atatillugu, Nunami Namminermut, Pinngortitamut Avatangiisinullu Naalakkersuisup, Anthon Frederiksenip, Kattuffik 10.000 koruuninik tunissuteqarfigaa.

Avatangiisit saligaatsuunissaat qullissarmiuusimasut aasaanerani naapittarnermikkut ukiorpassuarni suliniutigiuarsimavaat, taamaammat aningaasanik tunissuteqarfigineqarput.

- Naalakkersuisuni neriuutigaarput K'utdligssat Ikinngutaasa tunissut atorluarumaaraat, aamma pinngortitap avatangiisillu mianeruneqarnerunissaat eqqarsaatigalugu, Anthon Frederiksen tunissuteqarnermini oqarpoq.

Ukiunik 40-nngortorsiornermi aamaruutissarsiorfitoqqami assigiinngitsunik aaqqissuisoqartussaavoq.

Soorlu illoqarfik inuilu pillugit isiginnaartitsissusiaq nutaaq, Qullissara, Nunatta Isiginnaartitsisarfianit takuteqqaarneqassaaq - aamma Sumekkut tusarnaartitsissallutik. Nalliuttorsiorneq juulip ulluisa arfernganiit sapaatip-akunnera ataaseq pissaaq.