Angalasut qanoq amerlatigisut Kangerlussuarmi siunissami atuinissaat qulakkeerlugu ilisimaneqanngilaq.Assi: KNR, Anton Gundersen Lihn

Peqatigiiffik: Kangerlussuup takornariaqarneq inuussutissarsiornermut inerisassavaa

Tunngaviusumik isumaqatigiissut Kangerlussuup atlantiku qulaallugu timmisartunut mittarfittut atuinnarnissaanik ilaqarmat, Arctic Circle Businessip qiimmatsaatigalugulu isumalluarfigaa.

Arctic Circle Business Qeqqata Kommuniani inuussutissarsiornikkut nukittorsaasuuvoq. Tunngaviusumillu isumaqatigiissut kommunimi inuussutissarsiornikkut siuariartornissamut takornariartitsisarnermillu inerisaanissamut periarfissiisoq pisortaq isumaqarpoq.

AAMMA ATUARUK Principaftalen om Kangerlussuaq: Forsvaret betaler for renovering af landingsbane

- Nuannaartorujussuuvugut soorunami aamma takornariaqarneq eqqarsaatigalugu Qeqqata Kommuniani periarfissarpassuit siunissami atorluaqqissinnaanissaannut periarfissiivoq una, Arctic Circle Businessimi pisortaq Julianne Henningsen oqarpoq.

Aningaasaliisussaqarpoq

Isumaqatigiissutip atsiorneqarneqarneratigut aningaasaliisussatut soqutiginnittut nalorninerat minnerulertoq, pisortaq isumaqarpoq.

Taassuma oqarnera naapertorlugu suliffeqarfiit arlallit Kangerlussuarmut kommunillu sinnerani aningaasaleerusupput, nalorninerli unitsitsisuusarsimasoq maanna qaangerneqartoq, taanna isumaqarpoq.

Isumaqatigiissut suliassat tulleriiaarneqarnissaannik imaqarpoq. Aqutsisoqatigiit illersornissamut ministereqarfimmit, nunanut allanut tunngasunut Naalakkersuisoqarfimmit, ineqarnermut attaveqaqatigiinnermut Naalakkersuisoqarfimmit kiisalu aningaasaqarnermut Naalakkersuisoqarfimmit sinniisoqartoq mittarfittaarsuit atuulereerpata Illersornissaqarfiup Kangerlussuarmik atuinissaanik periusissatut siunnersuutinik aggustimi 2019-imi tunniussisimasussaasut pappilissani allassimavoq.

AAMMA ATUARUK Naalakkersuisut Naalagaaffillu isumaqatigiipput: Illersornissaqarfik Kangerlussuarmiiginnassaaq

Aqutsisoqatigiit sinaakkutilioreerpata suleqatigiissitat Qeqqata Kommunianinngaaneersut aallartitallu Arctic Circle Businessimeersut pilersinneqassapput.

Peqataanerlu inuussutissarsiornikkut periarfissaqartitsilerumaartoq, Juliane Henningsen neriuppoq.

- Kangerlussuup taamatut inissinnera nukittoqutigissavarput pissutigalugu Kangerlussuaq Qeqqata Kommunianut takornariaqarnermut isaaviummat, aamma taanna siunissami qulakkiigassarivarput.

Tamatuma saniatigut Kangerlussuarmi talittarfik Umiarsuarsuit takornariartaatit ilaasuinut niusarfittut soqutiginarnerusoq, taamalillunilu Kangerlussuarmi mittarfik pingaaruteqartuusoq, Julianne Henningsen isumaqarpoq.

Mittarfittaassat sunniutissaat pilugit Rambølip Naalakkersuisunut nalunaarusiaani Ilaasut Kangerlussuarmut aqqusaartut 2016-imi 330.000-usut Ilulissani Nuummilu Mittarfissuit atulerpata 10.00-inut ikilissasut missingerneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat