Peqatigiiffik Kalaallit Meerartaat 50.000 koruuninnatsinneqarpoq

Kalaallit meerartaannut ajornartorsiutilinnut Danmarkimi najugalinnut suliniummi sulilluarsimasutut nersorniarneqarpoq. Suliniut aqqutigalugu meeqqat qaammammoortumik aallaarsimaartinneqartarput, imminnut tatiginerulernissaat ikinngutitaartornissaallu anguniarlugit. Suliniuteqarnermi kalaallit meerartaat Danmarkimi najugaqartut inuiaqatigiinni akuunerulernissaat anguniarlugu sumiiffinni tallimani katersuuttarnissaat aaqqissuupparput. Danskinut akuunerulersitsiniarnermi kalaaliinnaatillugit katersortarnissaat immaqa eqqumiigineqarsinnaagaluarpoq. Meeqqalli inuiaqatigiinnut atassuteqangaanngillat, ikinnguteqanngivittarlutillu.

Siunertaavoq piffissaq sivisunerusoq eqqarsaatigalugu meeqqat imminnut tatiginerulernissaasa angunissaa.

Maannalu suliniutip qiteqqunnerani kalaaleqatigiillutik ikinngutigiiaalersimapput, imminnullu tikeraaqatigiittalerlutik.

Maannamut angusavut tulluusimaarutigaavut, tassami meeqqat naammasigimaarinnissoralugit aperigaangatsigik 44 %-ii angertarput inuunerinnerulernerusimallutillu, atuarfimmilu atugarissaarnerulersimallutik. Atuarfinnut assigiinngitsunut paasiniaagaangatta kalaallinik meerartaqarnersut, tamatigut akineqartarpugut kalaalersaqannginnerarlutik, uffali ilisimagipput atuarfinni sorlerni kalaallinik meeqqanik atuartoqartoq. Paasisarparput kalaallit meeqqat Danmarkimi atuartut qarsupinneqartartut, soqutigineqarnerlu ajortut. Suliniuteqalernerup kingorna ilinniartitsisut aperigaangatsigik akisarput meeqqat 40 %-ii qaammammoortumik aallaarsimareernermik kingorna qiimanerulersarsimasut, suliarisimasaminnillu unnersiortartut.

Meeqqat samminerusavut tassaapput eqqarsaatiminnik, isumamminnillu sukumiinerusumik oqaluttuarlutillu paasisitsisinnaanngitsut.

Taamaammat meeqqat 40 %-iisa pitsaanerusumik inuuneqalersimanerminnik unnersioraangata tanngassimaarutigisarpavut, Louise Ahrenkiel naggasiivoq.