Peqatigiiffik 'Juullip Inua Kalaallit Nunaanni' pilersinneqarpoq
Peqatigiiffik taaguuteqartoq ‘Juullip Inua Kalaallit Nunaanni’ pilersinneqaqqammerpoq.
Peqatigiiigiiffiup, isumassuinermik inuppalaarnermillu tunngaveqartuusup, meeqqat juullip nalaaniinnaanngitsoq ikiorserneqartarnissaannik poortugarsisarnissaannillu siunertaqarpoq.
Juullip inuata iluanaarniutigineqartarnera illuatungilerniarlugu peqatigiiffik aallartinneqarpoq.
Matumani kalaallit pingaartitaat aallaavigalugit meeqqat atugarissaarnerulernissaat toqqissisimanerulernissaat akisussaassutsimillu ilikkagaqarnerunissaat anguniarneqarlutik.
Peqatigiiffimmik aallartitsisuupput nunatsinni takornariartitsiviit arlallit, Namminersornerullutik Oqartussat, suliffeqarfiillu namminersortut nunatsinniittut Danmarkimeersullu.
Juullip inua meeqqanut ikiuukkusuttorujussuuvoq taamaattumillu meeqqat atugarissaarnerulernissaannik suliniarnerani ikiorniarlugu aningaasaliisussanik pissarsiorpugut, tamannalu soqutigineqarluarpoq, Klaus Berg takornariartitsivimmi Destination Avannaaneersoq oqarpoq.
Peqatigiiffik Juullip Inua tusaamasanit arlalinnit tapersersorneqarluarpoq, ilaatigut Flemming Jensen, Rasmus Lyberth aamma Julie Berthelsen tapersersuisuupput. Peqatigiiffiup siulersuisuni suleriaasissanilu februaarimi saqqummiunniarpai.
