Peqatigiiffik 16. august: Innuttaasut soqutigisaat soqutigineqanngillat
Peqatigiiffik 16. August ujaqqanik katersisartunut suliniaqatigiiffiuvoq. Sumiiffinni innuttaasut pisinnaatitaaffiinik toqqammaveqarniarneq, innuttaasullu aatsitassarsiornerup iluani inuuniutissaminnik namminersuutigalugu toqqaasinnaanissaat, siunnersuummi amigaataasoq, peqatigiiffik isumaqarpoq.
- Inatsit akuersissutigineqassappat - sanaluttartoq ajuusaarnartumik assersuutigalugu pinerluttunngortinniarneqassaaq, eqqumiitsuliortormi akuersissummik peqqaartinnani ujaqqeraluni aallartissinnaanngilaq, peqatigiiffik sinnerlugu Peter Tuusi Motzfeldt tusagassiuutinut allappoq.
Peqatigiiffik 16. August kisimi inatsisissap pinngorneranut isornartorsiuinngilaq. Inatsisissap suliarineqarnerani innuttaasut tusarniaavigineqanngippallaarnerat Greenland Venture A/S-ip tusarniaanermini aamma isumakuluutigaa.
