Pensionisialik: Utoqqalinersianik aqutsinerluttoqanngilaq

Utoqqalinersiutinik aqutsinerluttoqarsinnaanngilaq, aningaasat inuttaminnulluunniit tunnatik akiligassanut nakkareertarmata. Siusinaarluni utoqqalinersialik taama oqarpoq.

- Kallerup innera eqqaaviillu akilerukkit, solarilu pisiarigukku, sinnimininngui nerisassatsinnut atortarpakka, taama oqarpoq Ane Nielsen, siusinaartumik pensionisialik Kitsissuarsummilu najugalik.

Aningaasanik aqutsinermut meeqqat atuarfiani ilinniartitsisoqartarnissaanik, Inatsisartunut ilaasortaq Siumumeersoq Malik Berthelsen siunnersuuteqarpoq.

Siunnersuuteqarnerminilu utoqqalinersisoqaraangat, aningaasarsiffinni, utertoorfinni assigisaanillu aningasarsiffinni aningaasanik atornerluineq ersarissorujussuusarnera tunngavilersuutigivaa.

Kisianni tunngavilersuut taanna Ane Nielsenip ilisarisinnaanngilaa.

Taanna oqarpoq, pensionisiallit ulluinnarni inuuniarnermi akiligassat akilereeraangamikkit allanut akissaqarneq ajortut.

- Amerlanerit taamaangittut nalungilakka, uanga pujortarneq ajorpunga, imerneq ajorpunga, mamakujuttoqqusaanngikkaluarlungali ilaanni naalangilaartarpuga, Ane Nielsen oqarpoq.