Pennsylvaniami sorleq qinissanerlugu aqagu aalajangissavaat

USA-p avannaata kangisinnerusortaani naalagaaffiup, Pennsylvaniap, immiaaqqat, piniarneq bowlernerlu tusaamasaassutigai, aammali USA-mi naalagaaffinnit allanit amerlanerusunik utoqqaqarpoq, arnaqarnerulluni qaqortunillu amilinnik innuttaqarnerulluni. Tassa amerikamiut Hillary Clintonitut isikkullit. Misissuinerit ersersippaat Demokratit Clinton qinissamaaraat, Obamamulli sanilliulluni annertugisassaanngitsumik siuaqqavoq. Ungasinngitsukkut 16 procentit missaannit tapersersorneqariarluni maanna 6 procentiinnarnit tapersersorneqalersimavoq.

Obama angusassaajunnaalereermat Clinton præsidentinngorniassaguni maannakkut qinersiseqarnerusariaqaannarani aamma inatsisartutut qinerneqartunit amerlanernit tapersersorteqarnerunissani pisariaqartippaa.