Pele Møller kulturikkut suliniuteqarsimasutut nersornaaserneqartoq
80-inik ukiulik Pele Møller kulturikkut ukiorpassuarni suliniuteqartutut ukioq manna nersornaaserneqarpoq.
Allattoq Karsten Sommer
juunip 21-at 2020 12:15
Nutserisoq Mads Lynge
Ukioq manna nersornaaserneqartoq tassaavoq nipilersornermi misilittagaqartoq.
80-inik ukiulik Pele Møller kulturikkut ukiorpassuarni suliniuteqartutut ukioq manna nersornaaserneqarpoq.
Pele Møller Qullissaneersuuvoq, Vaigatimillu 1950-ikkunnili nipilersortarluni.
Jazz aamma nuannaarivaa, nuusiaararlu jazzimik nipilersornertalik, kalaallisullu taallartalik 1990'ikkunni siullersaalluni saqqummersitsilluni.
CD-nik arlalinnik kingorna saqqummersitsivoq, nunatsinnilu sumiiffinni amerlanerni tusarnaartitsisarsimalluni.
Ernini Glenn Møller erinarsortartullu assigiinngitsut peqatigalugit tusarnaartitsisarluni.
Kulturikkut suliniuteqarsimasumut nersornaat 50.000 koruuninik aningaasartaqarpoq.
Naalakkersuisut kajumissaatitut nersornaasiuttagaat filmiliortartumut Jens Christian Lyberth Lennertimut ukioq manna tunniunneqarpoq.
Jens Christian Lyberth Lennert diplomimik tunineqarpoq, kajumissaatitullu nersornaat 10.000 koruuninik aningaasartaqarluni.
